Бул тууралуу Ош шаардык ички иштер башкармалыгынын басма сөз кызматы билдирди.
Билдирүүгө караганда, 17-мартта саат 13:30дар чамасында Ош облустук ооруканасынан милицияга маалымат келип түшкөн. Ага ылайык, Ош шаарынын К.Маркс атындагы орто мектебинин 7-классынын эки окуучусу, классташ кыздар Ош шаарынын А. Шакиров көчөсүндө жайгашкан беш кабаттуу №9 үйдүн чатырынан бойлорун таштап жиберишкен.
“Кыздардын бири окуя болгон жерде каза болгон. Экинчиси оор абалда Ош облустук ооруканасына жеткирилген”, – деп айтылат маалыматта.
Учурда аталган факты боюнча Ош шаардык ички иштер башкармалыгынын тергөө кызматы тарабынан ар тараптуу иликтөө иштери башталды.
