Ош шаарында пахта заводунан өрт чыкты. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Ош көчөсүндө жайгашкан заводдун аймагынан өрт чыккандыгы тууралуу маалымат түшкөн. Өрттү өчүрүүгө саат 12:41де Ош шаардык №13 АӨКБдан 1 бөлүм, саат 12:45те 1 бөлүм, саат 12:56да Ош шаардык №12 ӨКБдан 1 бөлүм, жалпы 3 бөлүм тартылган.
Пахтаны кайра иштетүүчү цехтен чыккан өрт саат 13:02де чектөөгө алынган.
Учурда өрттү толук өчүрүү иштери жүргүзүлүүдө. Кошумча маалымат берилет.
