Үстүбүздөгү жылдын 12 – февралында Советтик аскерлердин чектелген контингентинин Ооган Демократиялык Республикасынан чыгарылгандыгынын 33 жылдыгын жана Мекенди коргоочулар күнүн белгилөөнүн алкагында, Кыргыз Республикасынын ИИМдин Ички аскерлеринин 702 аскер бөлүгүндө Ачык эшиктер күнү болуп өттү.
Иш-чарага Бишкек шаарынын №47 гимназиясынын жана Жайыл районунун Полтавка айылынын орто мектебинин окуучулары катышты.
Окуучулардын назарына Ички аскерлердин кыскача күжүрмөн-кызматтык ишмердүүлүгү тууралуу даректүү тасма тартууланып, иш-чаранын жүрүшүндө Ички аскерлердин музейине, жоокерлердин ашканасына жана казармасына болгон экскурсия, аскер кызматчылары тарабынан даярдалган саптык даярдыктын көнүгүүлөрү жана кол уруш боюнча ыкмалар тартууланып, аскердик техниканын жана курал-жарактын көргөзмөсү камтыган кеңири программа тартууланды.
Иш-чаранын катышуучулары алар үчүн даярдалган программаны абдан кызыгуу жана шыктануу менен кабыл алышты.
Кыргыз Республикасынын ИИМдин
Ички аскерлеринин басма сөз кызматы
