![Protests erupt after fuel price rise in Almaty](https://bulak.kg/wp-content/uploads/2022/01/756414560714433-696x464.jpg)
Алматыдагы башаламандык учурунда каза болгон кыргызстандык Азиз Мусаевдин апасы С. Иманхожаева Казакстанга кирүүгө уруксат алды. Бул тууралуу өлкөнүн Тышкы иштер министрлиги билдирди. Иманхожаевага казак тарап уруксат бергени кабарланды. Ал Алматыга 12-январда жөнөп кетет.
Ушул тапта Казакстандагы кандуу окуялардан эки кыргыз жараны кайтыш болгону белгилүү. Алардын бири Азиз Мусаев Алматыда фитнес-машыктыруучу болуп иштеген. Маркумдун туугандары казак тарап чек арадан өткөрбөй, сөөктү бербей жатканын билдиришкен.
Кыргызстандын Алматыдагы башкы консулу Назарали Арипов казак тарап курман болгон кыргызстандыктардын сөөгү тиешелүү текшерүүлөрдөн кийин берилерин кабарлаган.