Жалал-Абадда 100 тонна сүттү кайра иштетүүчү ишкана ишке кирет. Бул тууралуу президенттин Жалал-Абаддагы өкүлчүлүгүнөн билдирди.
Маалыматка ылайык, Ала-Бука районунда күнүнө 100 тонна сүттү кайра иштетүүчү ишкана ишке кирет. Жергиликтүү тургундарга сүт өндүрүү жана белгиленген эрежелерге ылайык өткөрүү боюнча атайын окуутуулар жүргүзүлүүдө.
«Буга чейин инвестор менен сүйлөшүүлөр жүргүзүлгөн. Ишкана райондогу эски сүт заводун имаратында жайгашып, баардык керектүү жабдыктар менен камсыздалган. Жакынкы арада имаратты оңдоп-түзөө иштери аяктаса, жумуштар башталат»,-деп билдирди Район башчысы Нурбек Сатаров.
Ишкананын ачылышы менен атайын техникаларда ар бир айылды кыдырып сүт жыйналат.
Белгилей кетсек, жергиликтүү бийлик бул менен калктын кошумча киреше бөлүгүн арттыруу максатын көздөйт.
