Аламүдүн районундагы Полевое айылында жайгашкан Владимир Ленин атындагы эмгек жана эс алуу лагери Чүй облусунун менчигине кайтарылды. Бул тууралуу Улуттук коопсуздук боюнча мамлекеттик комитеттин (УКМК) маалымат борбору билдирди.
Маалыматка ылайык, аталган объект жана анын жанындагы 3,22 гектар жер тилкеси мурда мыйзамсыз менчиктештирилип кеткен.
Көрүлгөн чаралардын натыйжасында, менчик ээси социалдык объектиге өзүнүн мыйзамсыз негизде ээлик кылып пайдаланып келгендигин мойнуна алып, өз ыктыяры менен Чүй облусунун Аламүдүн районунун А.Сыдыков айыл аймагынын балансына өткөрүп берди.
