2025-жылдын 27-июль күнү саат 16:19да «Альянс Алтын» ишканасынын өрт-куткаруу кызматына жергиликтүү тургун Маделов Т.О., Сасык-Булак айылы, Эсенгул көчөсү, 4-үй дарегиндеги жеке менчик тилкеден өрт чыккандыгы тууралуу билдирүү түшкөн.
Өрт өчүрүү кызматы дароо окуя болгон жерге жөнөп кетти. Окуя болгон жерге саат 16:35те куткаруучулар барышкан. Келгенден кийин турак үйдүн түштүк тарабында ачык жалын менен курулуш материалдары күйүп жатканы аныкталган. Өрттү өчүрүү үчүн «В» тибиндеги бир саптама колдонулган.
Бөлүмдүн өздүк курамынын жана КР ӨКМнин Чат-Базар айылында жайгашкан Өрт-куткаруу кызматынын так жана кесипкөй иш-аракеттеринин, ошондой эле өчүрүү тактикасын билгичтик менен тандоонун натыйжасында саат 16:39да өрт локализацияланып, саат 17:03тө толугу менен өчүрүлгөн. Кызматкерлер өрттүн турак жайга жана коңшу имараттарга жайылышын алдын алууга жетишкен.Окуянын кесепетинен болжол менен 2,5 метр куб курулуш материалдары (балка, штамп) күйүп кеткен. Өрттүн келип чыгышына отко этиятсыз мамиле кылуу себеп болгон. «Альянс Алтын» компаниясы өрт-куткаруу кызматына ыкчам чара көрүү жана олуттуу кесепеттерден качууга мүмкүндүк берген эффективдүү аракеттери үчүн ыраазычылык билдирет. Ошондой эле облустун тургундарына өзгөчө жайдын ысык мезгилинде өрт коопсуздук эрежелерин сактоо зарылдыгын эскертебиз.
Өзүңүзгө жана жакындарыңызга кам көрүңүз.
