Кыргызстандын айрым аймактарында абанын температурасы +40 градуска чейин көтөрүлүшү күтүлөт. Бул тууралуу Өзгөчө кырдаалдар министрлигинин басма сөз кызматы билдирди.
3-5-июлдарында ысык аба-ырайы күтүлүп, абанын жогорку температурасы акырындык менен жогорулашы күтүлөт: абанын күндүзгү температурасы Чүй өрөөнүндө 35…40°ка, Ош, Жалал-Абад, Баткен облустарынын өрөөндөрүндө 36…41°ка чейин, Талас облусунун өрөөнүндө 33…38°ка чейин жогорулашы күтүлөт.
Кыргызгидромет кызматы мындай кургак ысык аба ырайынын учурунда организмди суусуздандыруудан жана ысык өткөрүп алуудан сактануу үчүн күндүз күн ачык жерлерде көпкө жүрбөөгө, ошондой эле айыл чарба өсүмдүктөрүн кеңири сугаруу сунуш кылат.
