Индиянын Ахмедабад шаарындагы учак кырсыгында бир жүргүнчү аман калды. Бул тууралуу Синьхуа кабарлады.
Маалыматка караганда, 40 жаштагы британиялык Вишваш Кумар Рамеш Индиядагы үй-бүлөсүнө конокко келип, агасы Аджай менен үйүнө кайтып келе жаткан.
Белгилей кетсек, бортто 242 адам болгон. Учак медициналык колледждин жатаканасына кулагандыктан, кырсык учурунда кеминде 5 студент-дарыгер каза тапты.
Президент Садыр Жапаров Ахмедабадда жүргүнчү ташыган учактын кыйрашына байланыштуу Индиянын премьер-министри Нарендра Модиге көңүл айтуу телеграммасын жөнөттү.
Күн мурун Air India’нын учагы Ахмедабад шаарынан Лондонго учкан. Учак кулаганга чейин учкучтар кырсык сигналын билдиришкен. Бирок кайра диспетчерлерге жооп беришкен эмес.
