Ливерпулда чогулуп турган элди унаа сүзүп, кеминде 47 адам жабыркады. Бул тууралуу Известия The Guardian гезити кабарлаганын билдирди.
Маалыматта белгиленгендей, кырсыкта жабыркаган 47 кишинин ичинен экөөнүн абалы оор деп бааланууда. Дарыгерлердин айтымында, алар олуттуу жаракат алган, бирөөсү жашы жете элек бала.
Жалпы жабыркагандардын арасында 4 бала бар экени айтылды. 27 киши ооруканага жаткырылып, калганына жеринде медициналык жардам көрсөтүлгөн.
Белгилей кетсек, 26-майда Улуу Британияда дагы бир унаа чогулган элди сүзгөн болчу. Айдоочу 53 жаштагы жаран экени аныкталган.
