Бүгүн Жогорку Кеңештин Конституциялык мыйзамдар, мамлекеттик түзүлүш, сот укук маселелери жана Жогорку Кеңештин Регламенти боюнча комитетинин жыйынында Руслан Мукамбетовду коргоо министри кызматына дайындоого макулдук берүү маселеси каралды.
Парламенттен билдиришкендей, президенттин сунуштамасын жана талапкер тууралуу маалыматты президенттин жана министрлер кабинетинин Жогорку Кеңештеги туруктуу өкүлү Алмасбек Абытов тааныштырды.
Жыйынтыгында комитет Руслан Мукамбетовду коргоо министри кызматына дайындоого макулдук берүү маселесин Жогорку Кеңештин кароосуна киргизүү чечимин кабыл алды.
