Россиянын президенти Владимир Путин Жеңиштин 80 жылдыгына карата 8-майдын түн ортосунан 11-майдын түн ортосуна чейин Украина менен элдешүү жарыялады. Бул тууралуу РИА маалымат агенттиги жазып чыкты.
Маалыматта айтылгандай, бул мезгилде Россия тарап бардык согуштук аракеттерди токтотот.
Россия бул аракетти Украина да колдойт деп үмүттөнөрүн билдирген. Эгер элдешүү бузулса россиялык аскерлер “адекваттуу жана эффективдүү жооп берүүгө” даяр экендиги маалыматта айтылат.
Ошондой эле Россия Украина кризисин чечүү жана эл аралык өнөктөштөр менен конструктивдүү өз ара аракеттенүү максатында алдын ала шарты жок тынчтык сүйлөшүүлөрүнө даяр экенин билдирген.
