27-мартта «Альянс Алтын» компаниясы Талас районундагы билим берүү мекемелерине заманбап жабдууларды тапшыруу иш-чарасын өткөрдү. Демилге аталган компаниянын демөөрчүлүгү менен облустагы мектептерди техникалык жабдыктар менен камсыз кылуу жана билим берүүнүн сапатын жогорулатуу максатында ишке ашырылган.
11 мектепке заманбап компьютерлер, интерактивдүү панелдер жана принтерлер берилди. Бул жабдуулар студенттерге санариптик технологияга, ал эми мугалимдерге сабактарды өткөрүү үчүн кошумча инструменттерге мүмкүнчүлүк берет.
Компаниянын өкүлү Асман Ташматов мындай жардам биринчи жолу көрсөтүлүп жатканын белгиледи: «Альянс Алтын» компаниясы келечек муундардын билим алуусу үчүн сапаттуу шарттарды түзүүгө багытталган демилгелерди ырааттуу колдоп келет.Интерактивдүү технологиялар окуу процессин кызыктуу жана эффективдүү кылат. Өткөн жылы да ушундай эле жабдууларды бир нече мектептерге жана Талас мамлекеттик университетине тапшырганбыз. Быйыл облус боюнча дагы 11 мектепке жардам берилди», - деп баса белгиледи Ташматов.
Иш-чарага Кыргыз Республикасынын Жогорку Кеңешинин депутаты Марат Мураталиев катышып, ишкананын билим берүү тармагын заман талабына ылайык өнүктүрүүгө кошкон салымы үчүн ыраазычылык билдирди.
Мектеп жетекчилиги жана ата-энелер да «Альянс Алтын» компаниясына көрсөткөн колдоосу үчүн ыраазычылык билдирип, балдардын келечеги жана билим берүү тармагынын өнүгүшү үчүн мындай демилгелердин маанилүүлүгүн баса белгилешти.
Эске сала кетсек, Талас районундагы Жерүй алтын кенин “Альянс Алтын” компаниясы иштетип жатат. Буга чейин ушул эле аталыштагы өнүктүрүү фонду менен биргеликте бир катар билим берүү долбоорлоруна каржылык колдоо көрсөтүп келген.
