“Урматтуу куруучулар!
«Альянс Алтын» компаниясы сиздерди кесиптик майрамыңыздар менен куттуктайт! Сиздердин эмгегиңиздер Кыргызстандын жана анын тоо-кен өнөр жайынын өнүгүшүндө маанилүү роль ойнойт. Сиздердин мээнетиңиздердин аркасында Жерүй кенинде эң заманбап өндүрүштүк имараттар курулуп, инфраструктура өнүгүүдө.
Сиздердин жардамыңыздар менен биз бардык кызматкерлерибиз үчүн иштөө жана жашоо шарттарын тынымсыз жакшыртууга жетишип жатабыз. Акыркы бир нече жылда сиздер алтын иштетүүчү фабрика, административдик жана ремонттук имараттар сыяктуу бир катар маанилүү долбоорлорду ишке ашырдыңыздар. Бул объектилер деңиз деңгээлинен 1200дөн 3500 метрге чейин бийиктикте жайгашкан!
Бул жетишкендиктер баа жеткис. Биз сиздердин профессионалдардан турган командабыздын бир бөлүгү экениңиздерге сыймыктанабыз жана алдыда дагы кызыктуу долбоорлор күтүп турганына ишенебиз.
Сиздерге бекем ден соолук жана жооптуу ишиңиздерде ийгиликтерди каалайбыз. Сиздер курган имараттар элге көп жылдар бою кызмат кылсын!”, – деп айтылат куттуктоо сөзүндө.