Жалал-Абадда мамлекеттик кызматкерлер сейил бак жерлерин 259 миллион 41 миң сомго мыйзамсыз сатышкан. Бул тууралуу Башкы прокуратуранын басма сөз кызматы билдирди.
Шаардын борборундагы сатылган жер тилкесинин аянты 11,2 гектарды түзөт.
Бул факты боюнча Жалал-Абад шаардык кеңешинин, шаардын мэриясынын, Жалал-Абад облустук шаар куруу жана архитектура башкармалыгынын жана “Кадастр” мамлекеттик мекемесинин Жалал-Абаддагы филиалынын жооптуу кызматкерлерине кылмыш иши козголду.
