Монголиянын Улуттук коопсуздук кеңеши менен өкмөтү нааразылык акцияларынан улам өзгөчө кырдаал (өзгөчө абал) киргизүү планынан баш тартты. Бул тууралуу News.mn жазды.
«Өзгөчө абалды киргизүү сунушу парламенттин жыйынында Улуттук коопсуздук кеңешинин кароосуна киргизилгени менен Улуттук коопсуздук кеңешинин төрагасы, Монголиянын президенти жана парламенттин төрагасы Г.Занданшатар, ошондой эле премьер-министри Л.Оюн-Эрдэнэ өзгөчө кырдаал жарыялоонун зарылдыгы жок экенин билдирди», — деп айтылат дүйшөмбү күнү билдирүүдө.
Массалык нааразылык акцияларына Кытайга экспорттолгон көмүрдүн уурдалышы боюнча ачыкталган фактылар себеп болгон. Көмүр Монголиянын экспортунун жарымынан көбүн түзөт, Кытай эң негизги үлүшүн алат. Парламентте жарыяланган маалыматтарга караганда, 40 триллион монгол тугрикине барабар 6,5 миллион тонна көмүр уурдалган. Митингдин катышуучулары тыкыр иликтөөнү, коррупционерлердин аты-жөнүн коомчулукка жарыялоону жана уурулукка тиешеси барлардын баарын кылмыш жоопкерчилигине тартууну талап кылышууда.
Мурдараак маалымдалгандай, демонстранттардын өкмөт үйүн басып алуу аракетинин фонунда өлкө парламентине өлкөдө өзгөчө кырдаалдын «Кызыл» деңгээлиндеги өзгөчө кырдаал режимин киргизүү сунушу киргизилген.
