Жогорку Кеңештин депутаты Надира Нарматова, «Кактус Медиа», «Клооп» жана «Азаттыкты» жабуу үчүн эл өкүлдөрүнөн кол топтоп жатканы тууралуу маалыматты төгүндөдү.
Нарматова билдиргендей, ал эч кимден кол топтогон эмес.
«Дастан (Бекешев – ред.) менин кол топтогонумду кайсыл жерден көрүптүр?! Далилдеп берсинчи! Менин кол чогултуп жүргөнүмдү кайсы жерден көрүптүр же кайсы жерден айтыптырмын?! Муну силерден (журналисттерден – ред.) уктум. Мен кечке чейин жыйында болдум. Эл көрбөгөн ишти, Дастан кайдан көрүптүр?! Жок жерден ар нерсени ойлоп чыга берет», — деди ал.
Эскерте кетсек, буга чейин Дастан Бекешев депутат Надира Нарматова «Кактус Медиа», «Клооп» жана «Азаттыкты» жабуу үчүн прездентке кат даярдап, депутаттардан кол топтоп жатканын билдирген.