Чүйдүн Беловодск айылындагы турак үйдөн чыккан өрттөн 3 жаран каза болду. Бул тууралуу ӨКМдин басма сөз кызматынан кабарлашты.
Маалыматта айтылгандай, бүгүн Чүй облусунун Москва районуна караштуу Беловодск айылынын К.Маркс көчөсүндөгү үйдөн өрт чыгып, кырсыктын кесепетинен 59 жаштагы аял киши, 64 жаштагы эркек жана 1 эркек киши (өздүгү такталууда)каза тапкан.
«Өрт таңкы саат 5:59да чыгып, өрттү өчүрүүгө N15 ӨККБдөн 1 бөлүм тартылган. Өрттүн жалпы аянты 12кв.м. түзгөн. Куткаруучулар тилсиз жоонун кесепетинен каза тапкан 1958-жылы туулган үй ээси С.К. аттуу жарандын жансыз денеси үйдүн короосунан табылса, үйдүн ичинен эки адамдын 1963-жылы туулган К.Б. аял киши жана өздүгү тактала элек 1 эркек кишинин жансыз денеси чыгарылып, ИИМ кызматкерлерине өткөрүлүп берилген», — деп айтылат билдирүүдө.