Убактылуу токтогон айрым троллейбус каттамдары иштеп баштады. Бул тууралуу мэриянын басма сөз кызматынан билдиришти.
Маалыматка ылайык, учурда баардык троллейбустар өз ишин улантууда.
Белгилей кетсек, буга чейин Евразия экономикалык биримдигинин өкүлдөрүнүн келишине байланыштуу саат 09:30дан 11:30га чейин Манас-Чыңгыз Айтматов проспектиси убактылуу жабылаары маалымдалган.
Андыктан, Жол кыймылынын коопсуздугун камсыздоо боюнча мамлекеттик инспекциясынын буйругу менен №5, 6, 11, 14 троллейбустук каттамдар убактылуу акыркы аялдамада болору айтылган эле.
