Мурунку депутат Турсунбай Бакир уулу 14-февраль күнү Жогорку Кеңештин төрагасы Талант Мамытов чет элдик тыңчылар боюнча жаңы мыйзам жазып чыгууга буйрук бергенин айтты. Бирок ал мыйзам кайсы депутаттар тарабынан, кандай негизде жазыларын билбей турганын кошумчалады.
Жогорку Кеңештин депутаты Надира Нарматова 10-февралдагы парламенттин жыйынында чет элдик агенттер боюнча мыйзамды кабыл алуу керектигин билдирген.
Талаш жараткан маселе өлкө тынчтыгы үчүн деп аталып жаткан, кабыл алынып калышы мүмкүн болгон жаңы мыйзам Кыргызстандагы сөз эркиндигин бууп, журналисттердин ишмердүүлүгүн кысымга албайбы?
