Бишкек шаардык архитектуралык-курулуш көзөмөлү боюнча башкармалыгы Биринчи май районунун Дэн Сяопин проспектисинин Ю.Фучик көчөсүнөн баштап Садыгалиев көчөсүнө чейин инвентаризациялоонун жүрүшүндө тийиштүү уруксат берүүчү документтери жок жана өз алдынча иштеген 5 объектини аныктады.
Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.
Маалыматка ылайык, бул аныкталган объекттер ар кандай багыттагы болуп саналат. Алар – “Адиш ата” ашканасы, “Carzone” унаа жуугуч менен техникалык тейлөө станциясы, “Daewoo” техникалык тейлөө станциясы, “Авто плюс” техникалык тейлөө станциясы, спорттук залдар.
Бишкек шаарынын архитектуралык-курулуш көзөмөлү боюнча башкармалыгы, борбордун тургундарына курулушту уруксат берүүчү документтерсиз жүргүзбөөнү жана “Шаар куруу жана архитектура жөнүндө” КР Мыйзамын сактоону эскертет.