Абактагы Гүлзат Алымкулова (Гүлзат Мамытбек) жана анын жанындагы 6 аял киши ачкачылык жарыялады.
Бул тууралуу Кыйноолорду алдын алуу улуттук борбору билдирди.
Алар №21 жаза аткаруу мекемесинин кызматкерлери аёосуз мамиле жасап жатышканына жана абактагы шарттарга нааразы экенин билдиришкен.
«Гүлзат Мамытбек Кыйноолорду алдын алуу улуттук борборуна арыз менен кайрылган. Арыз прокуратурага жөнөтүлдү»,-деп айтылат маалыматта.
Өткөн жылдын 25-октябрда кармалган Мамытбек ал алдамчылыкка шектелүүдө. Ал буга чейин дагы 2021-жылдын 14-ноябрында да ачкачылык жарыялап, 23-ноябрда ачкачылыгын токтоткон.