Санариптик өнүктүрүү министри Дастан Догоев кызматтан кетти. Бул тууралуу ЖМКлар жазды.
Маалыматка ылайык, Догоев кызматтан кетүү тууралуу өзү арыз жазган. Догоев менен байланышуу мүмкүн болгон жок. Ал эми президенттик администрация маалымат такталып жатканын билдирди.
Кошумчалай кетсек, Дастан Догоев буга чейин Мамлекеттик каттоо кызматынын, Маалыматтык технологиялар жана байланыш мамлекеттик комитетинин төрагасы болгон. Быйыл майда санариптик өнүктүрүү министри болуп дайындалган.