Сокулук райондук милициясы дайынсыз жоголгон 10 жаштагы Данил Семеновду издеп жатат. Бул тууралуу облустук милициясынын басма сөз кызматы билдирди.
Маалыматка караганда, өспүрүм 19-декабрь күнү саат 15:00 чамасында үйүнөн чыгып кеткен бойдон кайтып келген эмес. Өспүрүм буга чейин да үйүнөн качканы айтылды.
Өзгөчө белгилери: бою 150 сантиметр, арык чырай, чачы сары, бетинде сепкили бар.Үстүнө кара түстөгү спорттук шым, кара кофта, жеңи жок кара күрмө, кара кепич кийип жүргөн.
Өспүрүмдү көргөндөр (0312) 43-01-27, (0312) 43-88-85, (0312) 60-75-67, 0558 86 14 86, 0709 35-35-29 номерлерине кабарласа болот.