Ысык-Көл облусунун Каракол шаарында 5- кабаттан боюн таштаган 16 жаштагы кыз аман калды. Бул тууралуу облустук милициядан кабарлашты.
Маалыматка караганда, окуя 14-декабрга караган түнү болгон. 16 жаштагы өспүрүм Караколдогу көп кабаттуу үйлөрдүн чатырынан секирип кеткен.
Облустук оорукананын дарыгерлери кыздын абалы жакшы экенин, оор жараат албаганын билдиришкен. Кыз эмне себептен мындай кадамга барганы азырынча белгисиз.
