Токмок шаарында кийим тигүүчү машиналарды уурдоого шектүүлөр кармалды. Бул тууралуу Чүй ОИИБнин басма сөз кызматы билдирди.
Маалыматка ылайык, 11-ноябрь күнү Токмок шаарынын ИИБнө «А.Х.» аттуу жаран арыз менен кайрылып, 6-ноябрынан 11-ноябрга чейинки убакыт аралыгында Токмок шаарындагы көчөлөрдүн биринде жайгашкан тигүү цехинен 4 даана кийим тигүүчү машиналарын белгисиз бирөөлөр уурдап кетишкенин билдирген. Келтирилген материалдык чыгым 130 миң сомду түзгөн.
«Бул факты кылмыштардын бирдиктүү реестрине Кыргыз Республикасынын Жазык кодексинин 205-беренеси (Уурдоо) боюнча катталып, сотко чейинки өндүрүш иштери башталган.
Чүй облусунун ИИББнын жана Токмок шаарынын ИИБдүн криминалдык милиция кызматкерлери тарабынан жүргүзүлгөн ыкчам издөө иш-чараларынын натыйжасында, 1988-жылы туулган Д.М. жана 1989-жылы туулагн А.У. аттуулар жогорудагы кылмышка шектүү катары кармалышып, Токмок ШИИБдүн тергөө кызматына өткөрүлүп берилген. Сотко чейинки өндүрүш иштери улантылууда», — деп берилет маалыматта.