Өзгөн районунун Кызыл-Сеңир айылынын 2005-жылы туулган тургуну Асемай Полотова изделип жатат. Бул тууралуу Ош ОИИБден кабарлашты.
Маалыматка караганда, ал 28-ноябрь күнү саат болжол менен 12:00 чамасында Куршаб айылындагы Ы.Бектемиров атындагы орто мектепке кеткен бойдон кайрылып келген эмес.
Белгилери: бою 155-160 см, кара тору, дене түзүлүшү арык, кашы көзү кара, чачы кара түстө.
Кийимдери: кара түстөгү картка, ак түстөгү көйнөк, кара галстук, кара түстөгү юбка, бутунда кара түстөгү кышкы бут кийим.
Асеманы көргөндөр же кандайдыр бир маалымат билгендер болсо төмөнкү телефондор боюнча кайрылса болот: (03233) 5-06-36, 0555 20 77 76, 0504 44 55 41.
