“Ата Журт Кыргызстан” партиясы шайлоону толук тааныйт. Бул тууралуу аталган партиянын өкүлү Шүкүрбек Эркебаев Булак. кж редакциясына билдирди.
“Негизинен бул шайлоо таза өттү деп кесе айта алам. Эч ким бири-бирине тоскоол болгон жок. Админресурс колдонулган жок. Мурда акча таратылчу, башаламан шайлоо болуп келген”, – деди Эркебаев.
“Бүт укук коргоо органдары шайлоону камсыздап турду.
Бул шайлоонун жыйынтыгын толук тааныйбыз жана тааныбаганга да себеп жок”, – деди ал.
Борбордук шайлоо комиссиясы Кыргызстанда парламенттик шайлоонун алдын ала жыйынтыгын жарыялады.
АСУнун (автоматтык эсептөө урнасы) маалыматы боюнча, беш пайыздык босогодон алты партия өтүп, алардын ичинен “Ата-Журт Кыргызстан” партиясы шайлоочулардын 17,4 пайыз добушун алып, 15 мандатка ээ болду.
Тизме:
- Бакыт Төрөбаев;
- Фархат Исмаилов;
- Таалайбек Сарыбашов;
- Айбек Маткеримов;
- Жеңишбек Токторбаев;
- Жылдыз Садырбаева;
- Равшанбек Сабиров;
- Эльдар Сулайманов;
- Алишер Козуев;
- Жаныбек Кыдыкбаев;
- Мейкинбек Абдалиев;
- Жамиля Исаева;
- Надира Нарматова;
- Камила Талиева;
- Гүлшаркан Култаева.
Белгилей кетсек, бул АСУнун (автоматтык эсептөө урнасынын) алдын ала жыйынтыгы. Эми БШК добуштарды кол менен эсептейт. Жогорку Кеңешке шайлоонун акыркы жыйынтыгы 18-декабрга чейин маалым болот.