Кыргызстанда 21-октябрга карата 114 адамдан таажы илдети аныкталды. Бул тууралуу коронавируска каршы Республикалык штаб кабарлады.
Облустар боюнча жаңы аныкталган учурлар:
- Бишкек шаарында – 54,
- Чүй облусунда – 36,
- Талас облусунда – 4,
- Ысык-Көл облусунда – 12,
- Жалал-Абад облусунда –4,
- Баткен облусунда 4.
Ал эми бир суткада эки бейтап кайтыш болду.
60 адам илдеттен сакайып чыгып, бүгүнкү күндө стационарларда коронавирустан 640 бейтап, амбулатордук түрдө 560 адам дарыланууда.
Кыргызстанда пандемия башталгандан бери 180 миң 223 адам коронавирус жуктурган. Алардын ичинен 174 миң 875 киши айыгып чыкса, 2 миң 643 адам каза болду.
