Зинедин Зидан “Реал Мадрид” клубунун башкы машыктыруучусу болуп дайындалды. Жаңы келишимге ылайык, ал клубду 2022-жылга чейин машыктырат.
Буга чейин команданы аргентиналык Сантьяго Солари машыктырып келген. Ал командадан 2018-жылы 31-майда кеткен. Зинедин Зидан башкарган жылдары "Реал" Чемпиондор лигасын үч ирет катары менен уткан. Ошондой эле Испаниянын чемпиону болууга жетишкен.
Зидан 2017-жылы Эл аралык футбол федерациясынын (ФИФА) "Жылдын мыкты машыктыруучусу" сыйлыгына татыган. Ал футбол тарыхына эң мыкты оюнчу да, машыктыруучу да боло алган биринчи адам катары кирген.