Бул туурасында Темирлан Султанбеков Фейсбук баракчасына жазды. Атамбаевдин пикиринде эгер ал шайлоого катыша турган болсо, анда ал бийликти тартып алууга барабар деген пикирде.

“Алмазбек Атамбаев кайра бийликке келе турган ою да жок. Болгону ал азыркы бийликке жардам гана берип жатат жана бермекчи. Бир жылдан бери учурдагы бийликке тураа эмес кадам таштабоого жана башка маселелерде кеп-кенештерин айтууда. Ошондой эле ал, Кыргызстандын мурдагы абалга кайтып келүүсүн максат кылат”, дейт Султанбеков.

Ал кошумчалагандай, Атамбаев партиянын ишенм адамдарынын бири болуп кала бермекчи, ал эми анын уулу Кадыр Атамбаев депутаттыкка “Социал-Ддемократтар” партиясынын атынан биринчи орунда турат.

Фейсбуктун колдонуучусу Нурэлес Үмөталиевге карата УКМК бийликти күч менен басып алууга чакырык боюнча кылмыш ишин козгоду. Бул тууралуу ал өзү билдирди.

“Бүгүн ал УКМКнын тергөө бөлүмүндө сурак берди.

«Мага социалдык тармакта жарыяланган видео кайрылуумда бийликти басып алууга чакырык таштаганымды айтышты. Мен ушул жылдын апрель жана июнь айларында жарыяланган материалдарды жайгаштыргам. Бирок кийинчерээк ал баракчам блокко кирди. Мен андан кийин азык -түлүктүн кымбатташын, жарандардын жаңы өкмөттүн аракеттерине нааразычылыгын айтып, Садыр Жапаровду убадаларды аткарбагандыгы үчүн сындадым. Бийликти басып алуу тууралуу эч кандай сөз болгон жок. УКМК мага экспертизанын жыйынтыгы чыгарылганын айтып, мага адвокат табууну кеңеш кылды », – деди Нурэлес Үмөталиев.

Нурелэс Үмөталиев 21 жашта. Ал жумушсуз. «Мен эч бир партиянын мүчөсү эмесмин, ал тургай активист да эмесмин, позициясын ачык айткан жөнөкөй жаранмын. 2020 -жылдын октябрында мен аянтта болдум, мыйзамсыз парламенттик шайлоого каршы чыктым », – деди ал.

ИИМ: Түрмөгө баңгизаттарды ташуу фактысы боюнча соттолгон адамдар менен алардын шериги кармалды

Кыргыз Республикасынын ИИМдин 3-башкармалыгынын кызматкерлери ЖАМКтын тергөө жана ыкчам башкармалыктары менен биргеликте ыкчам-иликтөө жана тергөө иш-чараларын жүргүзүшүп, натыйжасында эркинен ажыратылган жерге баңгизаттарды ташуу менен байланышкан кылмыштын бетин ачышты. Иш-чаранын жыйынтыгы менен өзгөчө ири өлчөмдөгү баңгизаттарды ташууга соттолгондордун дагы тиешеси бардыгы аныкталды.
ИИМдин КМКнын 3-башкармалыгынын маалыматы боюнча 2021-жылдын мартында болжол менен таңкы саат 04:00до белгисиз адамдар ЖАМКтын №1 мекемесинин аймагына баңгизатты ыргытып кетишкен. Бирок баңгизат салынган баштык көздөгөн жерине түшпөй, укук коргоо органдарынын кызматкерлери тарабынан табылып алынган.
Түзөтүү мекемесинин аймагындагы окуя болгон жерден өзгөчө жыты бар баңгизат салынган 10 литрлик желим канистр, 5 литрлик бөтөлкө табылган. Экспертизанын корутундусу боюнча 1,868 килограмм марихуана жана 42,072 грамм гашиш экендиги аныкталган.
ИИМдин КМКнын 3-башкармалыгынын кызматкерлери ЖАМКтын тергөө жана ыкчам башкармалыктары менен биргеликте баңгизатты түрмөгө алып кирүүнү көздөгөн соттолгондорду аныктоо боюнча ыкчам-тергөө иш-чараларын жүргүзүшкөн.
Мындан аркы тергөө амалдары Кыргыз Республикасынын Жазык кодексинин 267-беренесинин 3-бөлүгү (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) менен жүргүзүлө баштап, ИИМдин жана ЖАМКтын кызматкерлери соттолгондордун арасындагы шектүүлөрдүн изине түшүшкөн.
Шектүүлөрдүн бири жаран К.Э. ЖАМКтын №1 мекемесинде жазасын өтөп жатат. ИИМдин КМКнын 3-башкармалыгынын маалыматы боюнча жогорудагы жаран К.Э. башка соттолгон адамдар менен сүйлөшүп алып, андан соң алар шериктери менен байланышып, баңгизаттарды ташуу жөнүндө макулдашышкан. Тергөөнүн жүрүшүндө алынган далилдердин негизинде жаран К.Э.ге Кыргыз Республикасынын Жазык кодексинин 39-267-беренесинде көрсөтүлгөн кылмышты жасоого шектелип жаткандыгы жөнүндө кабарлама берилди.
Чүй облусунун Аламүдүн районунун ички иштер бөлүмүнүн кызматкерлери соттолгондордун шериктерин кармоо боюнча ыкчам иш-чараларды жүргүзүшкөн. Көрүлгөн чаралардын негизинде 2021-жылдын июнь айында ЖАМКтын мекемесинин бирине баңгизаттарды ташыган жаран Т.М. кармалган. Аламүдүн райондук сотунун токтому менен ага карата камакка алуу түрүндөгү бөгөт чарасы тандалган.
Азыркы учурда тергөө иш-чаралары жүрүп жатат.
ИИМдин Басма сөз кызматы

Садыр Жапаров кечээ, 11-октябрда Министрлер кабинети тууралуу мыйзамга кол койгон.

 Bulak.kg редакциясына ишеним булактардын билдиришинче, мыйзам чыгаруу комитети 12-октябрда Министрлер кабинетинин курамын бекитет.

Министрлер кабинетинде өзгөрүүлөр болууда, анын төрагасын алмаштыруу маселеси буга чейин эле чечилген. Улукбек Мариповдун ордуна министрлер кабинетин азыркы экономика жана каржы министри Акылбек Жапаров жетектейт Акылбек Жапаров. Ал эми УКМК жетекчиси Камчыбек Ташиев учурдагы кызматында эле калып, ошону менен бирге коопсуздук боюнча вице-премьер-министр кызматын аркалайт.

Министрлер кабинетинин орун басарлары болуп Арзыбек Кожошев жана Азис Аалиев ээлемекчи.

Бүткүл дүйнөлүк тазалык күнүнүн алкагында Кыргызстанда өткөн ишембиликте болжол менен 3 миң тонна таштанды тазаланды. Бул тууралуу “Кабар” агенттигиндеги маалымат жыйынында “Эко Деми” коомдук фондунун негиздөөчүсү Айжан Чыныбаева билдирди.

Анын айтымында, 18-сентябрда дүйнө жүзү боюнча 191 өлкөдө ишембилик өттү.

“Иш-чарага мамлекеттик кызматкерлер, жеке ишкерлер жана ыктыярчылар катышты. Кыргызстан калкынын санын эске алганда дүйнө жүзү боюнча ишембиликке катышкандардын саны боюнча биринчи орунду алды. Үч жылдан бери алдыңкы орунду ээлеп келет. Алсак, өлкө боюнча ишембиликке жалпы 513 миң 505 адам катышты. Бизден кийинки орунду Италия, АКШ жана Индонезия өлкөлөрү алды. Облустар боюнча Ысык-Көл облусунда 46 миң 815 адам, Баткенде 43 миң 551, Нарында 27 миң 412, Жалал-Абад облусунда 114 миң 200, Таласта 25 миң 190, Чүйдө 91 миң 648, Ошто 121 миң 846, Бишкекте 42 миң 836 адам тазалоо иштерине катышты”, – дейт ал.

Чыныбаева чогултулган 3 миң тонна таштандынын 89 тоннасы кайра иштетүүгө кеткенин белгиледи.

Баткенде мектепке жылуулук берилбей окуучулар эшикте окуп жатышат. Бул тууралуу маалымат интернет тармагына жарыяланды.

Анда мугалим класстар суук болгондуктан сабакты эшикте өтүүгө мажбур болуп жатканын айткан.